Գլխացավը և միգրենը կարող են ի հայտ գալ ամեն պահի և դրանցով տառապողները վստահ կարող են ասել, որ այդ խնդիրները խանգարում են ապրել նորմալ կյանքով: Դեղորայքներ շատ կան, բայց եթե հնարավոր է բնական միջոցների օգնությամբ ազատվել այդ խնդրից,ա ապ ինչու չանել: Անանուխով թեյ. Միգրենի ժամանակ
շատ հաճախ ի հայտ է գալիս մարսողության խանգարում: Այս հարցում շատ արդյունավետ կարող է լինել անանուխով թեյը: Այն բարերար ազդեցություն է գործում ստամոքսի վրա: Միգրենի դեպքում կարելի է ճակատին անանուխի յուղ քսել, որը նույնպես կմեղմի սաստիկ գլխացավը: Կիտրոնով գոլ ջուր. Միգրենի նոպաների ժամանակ մարդու օրգանիզմում տեղի են ունենում որոշ փոփոխություններ, դանդաղում է մարսողական համակարգի աշխատանքը:
Կիտրոնով գոլ ջուրը կօգնի մաքրել օրգանիզմը, կմեղմի ցավն ու կխթանի մարսողական համակարգի աշխատանքը: Կոճապղպեղով թեյ. Կատարված ուսումնասիրությունները ցույց են տվել, որ կոճապղպեղը դրական ազդեցություն է ունենում միգրենի ու սաստիկ գլխացավերի դեպքում: Այս թեյը պատրաստելու համար
հարկավոր է կոճապղպեղը մանրացնել և թրմել տաք ջրում: Առավել լավ արդյունքի հասնելու համար կարելի է թեյին նաև կիտրոնի հյութ ու մեղր ավելացնել:
